Bakı. Kənan Həsənov – APA-Sport. Azərbaycanın boks yığmasının daha bir üzvü karyerasını başa vurub. “APA-Sport” agentliyinin məlumatına görə, 48 kq çəki dərəcəsində döyüşən Ceyhun Abıyev milli komandadan ayrılıb. Buna səbəb 35 yaşlı boksçunun Pekin Yay Olimpiya Oyunlarına vəsiqə qazana bilməməsidir. C.Abıyev hazırda Yunanıstanın paytaxtı Afinada keçirilən lisenziya xarakterli turnirdə ilk döyüşdə uduzaraq mübarizəni dayandırıb.
Qeyd edək ki, C.Abıyev dəfələrlə Azərbaycan çempionu tituluna sahib çıxsa da, karyerası ərzində nüfuzlu rəsmi yarışlarda fəxri kürsüyə yüksələ bilməyib.

• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO
• “Azerbaijan Open” beynəlxalq dağ xizəyi turnirinin ikinci turu keçirilib - FOTO
• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb