UEFA Çempionlar Liqasının (ÇL) daha bir yarımfinal cütünün tərkibi müəyyənləşib. “APA-Sport” agentliyinin məlumatına görə, ¼ final mərhələsi çərçivəsində ikinci oyun günündə keçirilən cavab görüşlərində İspaniyanın “Barselona” və İngiltərənin “Mançester Yunayted” klubları növbəti mərhələyə vəsiqəni rəsmiləşdiriblər. “Barselona” ilk matçda olduğu kimi, cavab qarşılaşmasında da Almaniyanın “Şalke-04” komandasını 1:0 hesabı ilə məğlub edib. Eyni hesab “Mançester Yunayted”in “Roma” ilə görüşündə qeydə alınıb. Beləliklə, ötən il olduğu kimi, İngiltərənin üç klubu – “Liverpul”, “Çelsi” və “Mançester Yunayted” yarımfinala vəsiqə qazanıb. Fərqli məqam isə onlara qarşı “Milan” (İtaliya) komandasının yox, İspaniya vitse-çempionu “Barselona”nın mübarizə aparacağı ilə bağlıdır.

“Barselona” (İspaniya) – “Şalke-04” (Almaniya) – 1:0
Yaya Ture, 43

“Mançester Yunayted” (İngiltərə) – “Roma” (İtaliya) – 1:0
Karlos Teves, 70

De Rossi (“Roma”) 30-cu dəqiqədə penaltidən yararlana bilməyib.

Beləliklə, aprelin 22-də və 23-də keçiriləcək yarımfinal qarşılaşmalarında “Liverpul” “Çelsi”ni, “Barselona” isə “Mançester Yunayted”i qəbul edəcək.

• Vəfa Musayeva: "Everestə elə gedirdim ki, sanki Azərbaycan məni döyüşə göndərmişdi"
• "Formula 1" üzrə Azərbaycan Qran-prisi üçün yeni tribunalar salınır
• Everest qalmaqalı: Zirvəni fəth edən ilk azərbaycanlı qadın kimdir?
• Anyma Formula 1 Azərbaycan Qran-Prisində çıxış edəcək
• Dünya Kubokunda medal qazanmış parapauerliftinqçilərlə görüş keçirilib