58 kq çəkidə çıxış edən Elnur Amanov qitə birinciliyinin qızıl medalını qazanıb. O, finala gedən yolda ardıcıl olaraq Marian Katalin Sandu (Rumıniya), David Dorazi (İtaliya), Ninoslav Babiç (Serbiya) və Tayron Robinsonu (Böyük Britaniya) mübarizədən kənarlaşdırıb. Həlledici qarşılaşmada isə Boris Vinkleri (Almaniya) məğlub edən həmvətənimiz Avropa çempionu olub. Digər taekvondoçularımızdan ötənilki dünya çempionatının gümüş mükafatçısı Təvəkkül Bayramov (84 kq) elə ilk görüşdəcə Mixael Uginklə (Hollandiya) qarşılaşmada uduzaraq, mübarizəni dayandırıb. Qadınların mübarizəsində Şahrun Yusifova (47 kq) ¼ finaladək irəliləməyi bacarıb. O, ilk iki qarşılaşmada Foteini Birmpa (Yunanıstan) və Nina Prçak Dolinşeki (Sloveniya) yenməyi bacarsa da, növbəti cəhddə qarşısını Kadriye Səlimoğlu (Türkiyə) kəsib. Leyla Yusubova (51 kq) da T.Bayramov kimi, ilk görüşdəcə Sevde Maviyə (Türkiyə) uduzaraq mübarizəni dayandırıb.

• Vəfa Musayeva: "Everestə elə gedirdim ki, sanki Azərbaycan məni döyüşə göndərmişdi"
• "Formula 1" üzrə Azərbaycan Qran-prisi üçün yeni tribunalar salınır
• Everest qalmaqalı: Zirvəni fəth edən ilk azərbaycanlı qadın kimdir?
• Anyma Formula 1 Azərbaycan Qran-Prisində çıxış edəcək
• Dünya Kubokunda medal qazanmış parapauerliftinqçilərlə görüş keçirilib