Bakı. Elşən Məmmədov-APA-Sport. Azərbaycanlı beynəlxalq dərəcəli hakim Hicran Şərifov İsveçə yollanacaq. Gənclər və İdman Nazirliyinin mətbuat xidmətindən “APA-Sport” agentliyinə verilən məlumata görə, H.Şərifov aprelin 18-də Martini şəhərində start götürəcək sərbəst güləş üzrə 2008-ci il Pekin Yay Olimpiya Oyunlarına lisenziya xarakterli I təsnifat turnirinin qarşılaşmalarını idarə edəcək. O, 3 gün davam edəcək yarışa Azərbaycanın 5 pəhləvanı – Namiq Sevdimov ( 55 kq ), Zəlimxan Hüseynov (60 kq), Novruz Temrezov (84 kq), Xetaq Qazyumov (96 kq) və Əli İsayevlə (120 kq) birgə yola düşəcək.
Qeyd edək ki, H.Şərifov həm də Pekin Olimpiadası çərçivəsində güləş qarşılaşmalarında ədaləti qoruyacaq yeganə hakimimiz olacaq.

• “Masters” velosipedçilər ilk dəfə Azərbaycan çempionatında yarışacaq
• Milli Olimpiya Komitəsinin nümayəndə heyəti AOK-un 55-ci Baş Assambleyasında iştirak edir
• Azərbaycan Ruandaya badminton avadanlıqları göndərib
• Məktəblilərin Respublika İdman Olimpiadasına start verilir
• Azərbaycanın trek velosipedi millisi beynəlxalq yarışlarda mübarizə aparacaq