Bakı. Kənan Həsənov-APA-Sport. Azərbaycan üzgüçüləri İngiltərənin Mançester şəhərində keçirilən IX dünya çempionatında uğursuzluğa düçar olublar. “APA-Sport” agentliyinin məlumatına görə, Vaqif Nəsibovun rəhbərlik etdiyi milli komandamızın üzvləri bu nüfuzlu yarışın üçüncü günündə də təsnifat mərhələsində mübarizəni dayandırıblar. Oksana Hətəmxanova 100 m məsafəyə brass üsulu üzrə üzməkdə 35-ci yeri tutub. Qadın millimizin digər üzvü, 100 m məsafəyə sərbəst üsulla yarışda 44-cü olan Natalya Filina sabah eyni növdə 50 m məsafəyə üzəcək. Yarışın ikinci günündə iki məsafədə (50 m sərbəst üsul və 100 m arxasıüstə) müvafiq olaraq 86-cı və 53-cü yeri tutan T.Abbasov, arxasıüstə 50 m məsafəni 49-cu pillədə başa vurub. Həmyerlimiz eyni növdə 50 m məsafəyə baterflyay üzrə yarışda isə 68-ci olub. 50 m məsafəyə sərbəst üsulla mübarizədə 62-ci olan Teymur Quliyev isə bu məsafəyə baterflyay üzrə üzməkdə 47-ci yeri tutub. 20 yaşlı üzgüçümüz sabah 100 m məsafəyə sərbəst üsulla mübarizə aparacaq.
Qeyd edək ki, O.Hətəmxanova ilə T.Abbasov güzəştli kart sayəsində Pekin Yay Olimpiya Oyunlarında çıxış edəcəklər.

• Prezident İlham Əliyev Beynəlxalq Avtomobil Federasiyasının prezidentini qəbul edib
• "Formula 1": "Ferrari" pilotu sıralama turunu lider başa vurub - YENİLƏNİB
• "Formula 2": Sprint yarışının qalibi mükafatlandırılıb
• Bakıda sprint yarışı başa çatıb - YENİLƏNİB
• "Formula-2": Yaponiyalı sürücünün bolidində yanğın baş verib - FOTO