Bakı. Kənan Həsənov – APA-Sport. Bu gün Bakıda qadın otüstü hokkey komandaları arasında Olimpiya təsnifat turniri start götürüb. “APA-Sport” agentliyinin məlumatına görə, turnirin açılış oyununda İspaniya millisi Belarusa 4:0 hesabı ilə qalib gəlib. Digər görüşdə Ukrayna yığması Keniyanı məğlub edib – 6:0. Saat 16:00-da isə Azərbaycan milli komandası ilk görüşünə çıxacaq. Pakistanlı mütəxəssis Tahir Zamanın rəhbərlik etdiyi yığmamız Çili ilə qarşılaşacaq.
Qeyd edək ki, dairəvi sistemlə keçirilən turnirdə birinci yeri tutan komanda Pekin Yay Olimpiya Oyunlarına qatılmaq imkanı verən yeganə lisenziyaya sahib çıxacaq.

• “Masters” velosipedçilər ilk dəfə Azərbaycan çempionatında yarışacaq
• Milli Olimpiya Komitəsinin nümayəndə heyəti AOK-un 55-ci Baş Assambleyasında iştirak edir
• Azərbaycan Ruandaya badminton avadanlıqları göndərib
• Məktəblilərin Respublika İdman Olimpiadasına start verilir
• Azərbaycanın trek velosipedi millisi beynəlxalq yarışlarda mübarizə aparacaq