Bakı. Kənan Həsənov – APA-Sport. Azərbaycan bədii gimnastları aprelin 17-də Portuqaliyanın Portimau şəhərində start götürəcək dünya kubokunun növbəti mərhələ yarışında iştirak edəcəklər. Bu haqda “APA-Sport” agentliyinə Gimnastika Federasiyasının mətbuat katibi Şahin Kazımzadə məlumat verib. Onun sözlərinə görə, bu nüfuzlu yarışda ölkəmizi Aliyə Qarayeva, Dinarə Gimatova və Zeynəb Cavadlı təmsil edəcək. Yarışın mükafatları uğrunda, həmçinin Vəfa Hüseynova, Anna Bitiyeva, Valeriya Yeqay, Alina Tryopina və Anastasiya Prosolovadan ibarət qrup hərəkətləri üzrə milli komandamız mübarizə aparacaq. Dünya kuboku çərçivəsində yeniyetmələr arasında təşkil olunacaq beynəlxalq turnirdə isə Samirə Mustafayeva və Səbinə Abbasovanın iştirakı nəzərdə tutulub.

• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib