Bakı. Kənan Həsənov – APA-Sport. Azərbaycanın kişilərdən ibarət basketbol üzrə milli komandasının Avropa çempionatının C divizionunda qarşılaşacağı rəqiblər bəlli olub. “APA-Sport” agentliyinin məlumatına görə, Elxan Əliyevin rəhbərlik etdiyi yığmamız Şotlandiyanın Edinburq şəhərində təşkil olunacaq yarışın A qrupunda mübarizə aparacaq. Millimiz iyunun 17-də Cəbəllüttariq, 18-də San-Marino, 19-da Moldova ilə qarşılaşacaq. B qrupunda finala yüksəlmək imkanı verən yeganə vəsiqə uğrunda Şotlandiya, Andorra, Uels və Malta milliləri yarışacaq. Turnirə iyunun 22-də keçiriləcək həlledici oyunlarla yekun vurulacaq. Finala yüksələn komandalar Avropa çempionatının B divizionunda çıxış etmək hüququ qazanacaqlar.

• Bakıda Müstəqillik Gününə həsr olunmuş veloyürüş keçirilib
• Azərbaycan xizək alpinizmi üzrə Avropa çempionatı və Dünya Kubokuna ev sahibliyi edəcək
• 28 May – Müstəqillik Gününə həsr olunmuş veloyürüş keçiriləcək
• Vəfa Musayeva: "Everestə elə gedirdim ki, sanki Azərbaycan məni döyüşə göndərmişdi"
• "Formula 1" üzrə Azərbaycan Qran-prisi üçün yeni tribunalar salınır