Bakı. Kənan Həsənov-APA-Sport. Bolqarıstanın Plovdiv şəhərində təşkil olunan şahmat üzrə şəxsi Avropa çempionatında dördüncü turun oyunları başa çatıb. “APA-Sport” agentliyinin məlumatına görə, kişilərin birinciliyində Rauf Məmmədov liderliyi əldən verib. Milli komandamızın üzvü ardıcıl üç qələbədən sonra hollandiyalı Yan Verle ilə heç- heçə oynayıb. Beynəlxalq qrossmeysterimiz bu gün 5-ci tur çərçivəsində rusiyalı Dmitri Kokarevlə qarşılaşacaq. Digər təmsilçilərimizdən Qədir Hüseynovla Nicat Məmmədov 3, Eltac Səfərli və Fərhad Tahirov 2 xal toplayıb. Qadınların yarışında isə Nərmin Kazımova liderlər qrupunda qərarlaşıb. Keçirdiyi dörd oyundan 3,5 xal toplayan həmyerlimiz növbəti görüşünü Viktoriya Çmiliteyə (Litva) qarşı keçirəcək. İlahə Qədimovanın 2,5, Xəyalə İsgəndərova, Türkan Məmmədyarova və Zeynəb Məmmədyarovanın 2, Nərgiz Umudova ilə Gülnar Məmmədovanın 1,5 xalı var.

• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO
• “Snuker” növü üzrə Azərbaycan çempionatı keçiriləcək
• Fəridə Əzizova Atletlər Komissiyasının sədri seçilib - FOTO