Bakı. Elşən Məmmədov-APA-Sport. Azərbaycanın sərbəst və yunan-Roma güləşi üzrə gənclərdən ibarət yığma komandaları İranın Arak şəhərinə yollanacaq. Bu haqda «APA-Sport» agentliyinə Güləş Federasiyasının rəsmisi Mətləb Abdullayev məlumat verib. Onun sözlərinə görə, pəhləvanlarımız mayın 22-də start götürəcək beynəlxalq «Martyrs Cup» turnirində qüvvələrini sınayacaqlar. İki gün davam edəcək yarış 15 - 20 iyulda Slovakiyanın Koşitse şəhərində keçiriləcək Avropa birinciliyi və 29 iyul – 3 avqustda Türkiyənin İstanbul şəhərində təşkil olunacaq dünya çempionatına hazırlıq xarakteri daşıyacaq.
Qeyd edək ki, İrana yola düşməmişdən öncə gənc sərbəst güləşçilərimiz aprelin 29-da Bakı İdman Sarayında baş tutacaq «Azərbaycan Güləş Federasiyasının Kuboku» adlı beynəlxalq turnirdə qüvvələrini sınayacaqlar. «Klassiklər»imiz isə 9 – 11 mayda Türkiyənin İstanbul şəhərində keçiriləcək beynəlxalq turnirə qatılacaqlar.

• Bakıda “Qələbə qaçışı”: Qaliblər müəyyənləşdi
• Bakıda “Qələbə qaçışı” keçiriləcək: Toplanan vəsait “YAŞAT”a veriləcək
• Azərbaycan Beynəlxalq yarışlar seriyasına ev sahibliyi edəcək
• Bakıda keçiriləcək "Qələbə qaçışı"na rekord sayda iştirakçı qatılacaq
• Zəngilan rayonunda 8 Noyabr – Zəfər Gününə həsr olunmuş veloyürüş keçirilib