Bakı. Kənan Həsənov - APA-Sport. Türkiyənin İstanbul şəhərində qılıncoynatmanın sablya növü üzrə sonuncu Avropa təsnifat turniri keçirilib.
«APA-Sport» agentliyinin məlumatına görə, yarışda Azərbaycanı milli komandamızın üzvü Səbinə Əmrahzadə təmsil edib. Dünya reytinq sıralamasında 111-ci pillədə qərarlaşan həmyerlimiz mübarizəni ilkin mərhələdə dayandırıb və Pekin olimpiadasına lisenziya qazana bilməyib. Bu vəzifənin öhdəsindən finala yüksələn Arçelli Navarra (İspaniya) ilə Siobhen Bern (İrlandiya) gəlib.