Lənkəran. Elşən Məmmədov – APA-Sport. Lənkəran Olimpiya Kompleksinin idman zalında uşu üzrə uşaqlar, yeniyetmələr, gənclər və böyüklər arasında Azərbaycan çempionatına yekun vurulub. “APA-Sport” agentliyinin məlumatına görə, uşu-sanda növündə keçirilən görüşlərdə Bakı şəhəri və regionlardan 260-dək idmançı qüvvəsini sınayıb. Kişilərin mübarizəsində qalib adını Elməddin Əliyev (48 kq), Xəyal Şahnəzərov (52 kq), Sənan Haqverdiyev (56 kq), Rafael Tanrıverdiyev (60 kq), Rövşən Əliyev (65 kq), Pərviz Abdullayev (70 kq), Rza Əmiraslanov (75 kq), Ramin Məmmədov (80 kq), Miremil İbrahimli (85 kq) qazanıblar. 85 kq-dan yuxarı çəkidə isə cəmi bir idmançı – Bəhruz Fərhadov olduğundan, döyüşlər baş tutmayıb. Ümumi komanda hesabında ilk üç yerə Gəncə, Quba və Lənkəran layiq görülüb.

• Bakıda Müstəqillik Gününə həsr olunmuş veloyürüş keçirilib
• Azərbaycan xizək alpinizmi üzrə Avropa çempionatı və Dünya Kubokuna ev sahibliyi edəcək
• 28 May – Müstəqillik Gününə həsr olunmuş veloyürüş keçiriləcək
• Vəfa Musayeva: "Everestə elə gedirdim ki, sanki Azərbaycan məni döyüşə göndərmişdi"
• "Formula 1" üzrə Azərbaycan Qran-prisi üçün yeni tribunalar salınır