Bakı. Elşən Məmmədov-APA-Sport. Azərbaycan uşu-sandaçıları Sənan Haqverdiyev (56 kq) və Elşad İbrahimovun (85 kq) lisenziya qazandıqları 2008-ci il Pekin Yay Olimpiya Oyunlarına hazırlıq planı müəyyənləşib. Bu haqda «APA-Sport» agentliyinə Uşu Federasiyasının prezidenti Azər Həsənsoy məlumat verib. Onun sözlərinə görə, idmançılarımız mayın 5-dən yığma komanda ilə birgə təlim-məşq toplantısına başlayacaqlar. Müntəzəm olaraq, «Savalan» və «Yasamal» klublarında təşkil olunacaq hazırlıq prosesinə 20-dək uşu-sandaçı cəlb olunacaq. A.Həsənsoy Gənclər və İdman Nazirliyi ilə birgə müəyyənləşdirdikləri hazırlıq planına əsasən, idmançılarımızın Rusiya və İranda keçiriləcək turnirlərə göndərilməsi də nəzərdə tutulub.
Qeyd edək ki, Pekin Olimpiadasının proqramına nümunəvi növ kimi salınan uşu-sanda üzrə döyüşlər 21 – 24 avqustda keçiriləcək.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək