Bakı. Kənan Həsənov - APA-Sport. Almaniyanın Düsseldorf şəhərində atletikanın marafon növü üzrə lisenziya xarakterli beynəlxalq turnir keçirilib. “APA-Sport” agentliyinin Azərbaycan Atletika Federasiyasının icraçı direktoru Kamal Əhmədova istinadən verdiyi məlumata görə, bu nüfuzlu yarışda ölkəmizi Gülnarə Məmmədova təmsil edib. Türkiyə milli komandasının heyətində hazırlıq keçən atletimiz uğurlu start götürsə də, mübarizəni sonadək davam etdirə bilməyib. Həmyerlimizin finiş xəttini keçməsinə bel nahiyəsindən zədə alması maneçilik törədib. Almaniyada xoşagəlməz vəziyyətlə üzləşən G.Məmmədova mayın 18-də Latviyanın paytaxtı Riqada başlanacaq növbəti analoji turnirdə də qüvvəsini sınayacaq.
Qeyd edək ki, indiyədək yalnız iki atletimiz - Ruslan Abbasov (100 m) və Ramil Quliyev (200 m) Pekin Yay Olimpiya Oyunlarına vəsiqə qazanıb.

• İdmançılarımız Avropa Yay Olimpiya Festivalına hazırlaşırlar
• AzVİF-lə Elm və Təhsil Nazirliyinin əməkdaşlığı çərçivəsində yeni layihəyə start verilib - FOTO
• Azərbaycan və Polşa arasında antidopinq sahəsində əməkdaşlığın perspektivləri müzakirə olunub
• Millidən yeni rekord: Yığma dünya reytinqində 27-ci sıraya yüksəlib
• Şose velosipedi üzrə Azərbaycan çempionatı start götürüb