Bakı. Kənan Həsənov - APA-Sport. Beynəlxalq Qılıncoynatma Federasiyası yeni reytinq cədvəlini açıqlayıb. “APA-Sport” agentliyinin məlumatına görə, siyahıda yer alan Azərbaycanın sablya üzrə milli komandasının üzvlərinin mövqeyində dəyişiklik qeydə alınıb. İdmançılarımızdan ən yaxşı göstərici yenə Janna Muradqızına məxsusdur. Altı pillə irəliləyən rusiyalı legioner 22 xalla 86-cı sırada qərarlaşıb. Pekin Olimpiadasına yollanmağa namizəd Səbinə Əmrahzadə üç pillə irəliləyib və 16 xalla 110-cu yeri tutub. Bir pillə irəliləyən Sevil Bünyatova (10 xal) 135-ci, üç pillə geriləyən Aidə Ələsgərova (4 xal) 189-cu olub. Milli komandamızın mövqeyində isə dəyişiklik qeydə alınmayıb. Hesabında 148 xal olan yığmamız 33 komandanın sıralamasında 15-ci yeri tutub.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO