Bakı. Aqşin Əliyev - APA-Sport. Azərbaycanın kamandan oxatanları Dünya Kubokunda mübarizə aparmaq üçün bu gün Türkiyənin Antalya şəhərinə yollanıblar. Gənclər və İdman Nazirliyinin mətbuat katibi Səmayə Məmmədovanın “APA-Sport” agentliyinə verdiyi məlumata görə, yarışda ölkəmizi 4 idmançı təmsil edəcək. Mayın 28-də start götürəcək turnirdə Emil Akçurin, Roman Vengerov, Svetlana Simonova və Səidə Orucova qüvvələrini sınayacaqlar. Oxatanlar Dünya Kubokuna baş məşqçi Mariya Tselkovskayanın rəhbərliyi altında hazırlaşıblar. Tam heyət formalaşmadığı üçün təmsilçilərimiz komanda deyil, yalnız fərdi yarışlara qatılacaqlar. Dünya Kuboku dörd gün davam edəcək.
Qeyd edək ki, kamandan oxatma yarışlarında hər milli komanda 3 nəfərdən ibarət olur.

• ASA-nın rektoru: “Qazilərin bərpa prosesinə töhfə verən layihədir”
• Avstriyalı mütəxəssis: “Azərbaycanla əməkdaşlığımızı daha da genişləndirmək istəyirik”
• ASA-nın nəşr etdiyi “Təməldən təfərrüata” kitabının təqdimat mərasimi keçirilib
• Paris-2024 medalları dəyişdirilir: Azərbaycan idmançılarına yeniləri veriləcək
• Milli Paralimpiya Komitəsinin 30 illiyi qeyd ediləcək