Bakı. Kənan Həsənov - APA-Sport. Ukraynanın paytaxtı Kiyevdə peşəkar boks üzrə dünya çempionları Vitali və Vladimir Kliçko qardaşlarının şərəfinə həsr olunan beynəlxalq turnir keçirilib. “APA-Sport” agentliyinin məlumatına görə, 8-ci dəfə təşkil olunan yarışa qatılan təmsilçilərimiz ilk görüşdə uduzaraq fəxri kürsüyə yüksələ bilməyiblər. 69 kq çəki dərəcəsində Vüsal Tağıyev 1/8 finalda qətərli Hakan Nuraydına uduzub. Mirhəsən Bəşirov (81 kq) ¼ finalda ukraynalı Dmitri Smaqulaya müqavimət göstərə bilməyərək ikinci raundda təslim olub. Ən ağır çəkidəki (+91 kq) təmsilçimiz Elçin Əhmədov da bu mərhələdə italiyalı Roberto Kammarelleyə üçüncü raundda tam üstünlüklə məğlub olub.

• Qılıncoynatma üzrə Azərbaycan birinciliyində ilk mükafatçılar müəyyənləşib
• Fərid Qayıbov: “Yarışın əsas məqsədi idmanın kütləviliyinə nail olmaqdır”
• "Üzgüçülük hamı üçün" turnirinin açılış mərasimi keçirilib
• ACES Europe prezidenti: “Bakı dünyanın ən vacib şəhərlərindən biridir”
• Elnur Məmmədov: “Dünya İdman Paytaxtı” seçilməsi Bakıya yeni imkanlar açır”