Bakı. Elşən Məmmədov-APA-Sport. Azərbaycanın qadın güləşçisi Zümrüd Qurbanhacıyeva yığma komandamızın məşqçisi Elşad Allahverdiyevlə birgə sabah İsveçin Haparanda şəhərinə yollanacaq. Bu haqda «APA-Sport» agentliyinə millimizin baş məşqçisi Nazim Əlicanov məlumat verib. Onun sözlərinə görə, Z.Qurbanhacıyeva mayın 31-də start götürəcək 2008-ci il Pekin Yay Olimpiya Oyunlarına lisenziya xarakterli II təsnifat turnirində çıxış edəcək. 72 kq çəkidə çıxış edəcək pəhləvanımız qadın güləşində hələ qazanılmayan yeganə vəsiqə uğrunda mübarizə aparacaq. İki gün davam edəcək yarışın proqramına əsasən, həmyerlimiz iyunun 1-də döşək üzərinə çıxacaq. Pekin Olimpiadasına lisenziya qazanmaq üçün Z.Qurbanhacıyeva öz çəkisində ilk «üçlüy»ə düşməlidir. Haparanda turniri güləşin bütün növlərində olimpiya lisenziyalı sonuncu yarış olacaq.
Qeyd edək ki, hələlik yığmamız qadın güləşində Yay Olimpiya Oyunlarına 4 mümkün lisenziyadan 3-ünə sahib çıxıb. Həmin vəsiqələri Mariya Stadnik (48 kq), Yuliya Radkeviç (55 kq) və Olesya Zamula (63 kq) əldə edib.

• Azərbaycan və Polşa arasında antidopinq sahəsində əməkdaşlığın perspektivləri müzakirə olunub
• Millidən yeni rekord: Yığma dünya reytinqində 27-ci sıraya yüksəlib
• Şose velosipedi üzrə Azərbaycan çempionatı start götürüb
• Formula-1: Azərbaycan Qran-prisinin vaxtı dəyişdirilib
• Bakıda Padel tennis üzrə beynəlxalq yarışın qalibləri mükafatlandırılıb