Bakı. Kənan Həsənov - APA-Sport. Avqustun 15-dən 24-dək Türkiyənin Mersin şəhərində 16 yaşadək şahmatçılar arasında növbəti olimpiada keçiriləcək. “APA-Sport” agentliyinin milli komandanın baş məşqçisi Fikrət Sideifzadəyə istinadən verdiyi məlumata görə, bu nüfuzlu yarışda Azərbaycan yığması da iştirak edəcək. İkinci dəfə qatılacağımız olimpiadada yeniyetmələr arasında Avropa və dünya çempionu Eltac Səfərli, Vasif Durarbəyli və Ayaz Məmmədovun iştirak edəcəyi dəqiqləşib. Heyətə cəlb ediləcək daha iki şahmatçının adı Zaqatalada keçiriləcək seçmə turnirin yekununa əsasən bəlli olacaq.
Qeyd edək ki, milli komandamız iki il əvvəl Türkiyədə təşkil olunan analoji yarışda 3-5-ci pillələri bölüşüb.

• MOK-da Belarus Olimpiya Komitəsinin prezidenti ilə ikitərəfli tərəfdaşlıq müzakirə olunub
• Azərbaycan Qran-prisi rekordlarla yadda qalıb - FOTO
• Bakıda keçirilən üzgüçülük üzrə Dünya Kubokunda rekord
• Bakıda dünyanın ikinci ən böyük qapalı xizək mərkəzi fəaliyyətə başlayıb
• Azərbaycan üzgüçüləri "İpək Yolu" Dünya Kubokunda ölkə rekordlarını yeniləyiblər