Bakı. Aqşin Əliyev - APA-Sport. Azərbaycanın yeniyetmə ağırlıqqaldıranları 7 illik fasilədən sonra Avropa çempionatında iştirak edirlər. “APA-Sport” agentliyinin məlumatına görə, sabah Fransanın Amyen şəhərində start götürəcək qitə birinciliyinə 3 atletimiz - Zülfüqar Seyidov (50 kq), Nicat Rəhimov (62 kq) və Nail Nəbiyev (69 kq) qatılıb. Avropa çempionatında yalnız oğlanların yarışında çıxış etməyimizə əsas səbəb ölkəmizdə qızların ağır atletika ilə peşəkarcasına məşğul olmamalarıdır. Turnirin ilk günündə podiuma Z.Seyidov çıxacaq. İyulun 23-də N.Rəhimov, ertəsi günü isə N.Nəbiyev qüvvəsini sınayacaq. Avropa çempionatına iyulun 27-də yekun vurulacaq. Milli komandanın baş məşqçisi qismində Fransaya Xanlar Nəbiyev yollanıb.

• AMADA Parisdə Monitorinq Qrupunun iclasında iştirak edib
• Dövlət başçısı: "2024-cü il də Azərbaycan idmanı üçün uğurlu olub, 1700-ə yaxın medal qazanılıb"
• Prezident: "Xankəndidəki stadionun yenidən qurulması gələn il başa çatmalıdır"
• İlham Əliyev: "Azərbaycan gələn il MDB Oyunlarına ev sahibliyi edəcək"
• Milli Paralimpiya Komitəsində yeni təyinatlar olub