Bakı. Aqşin Əliyev - APA-Sport. Sabah Xorvatiyanın paytaxtı Zaqrebdə futzal üzrə UEFA kuboku uğrunda yarışın elit mərhələsinin C qrupunun oyunları start götürəcək. “APA-Sport”un məlumatına görə, turnirə Azərbaycan çempionu “Araz” klubu da qatılıb.

Naxçıvan təmsilçisi ilk görüşünü yerli “Nasional”a qarşı keçirəcək. “Sportova” idman sarayında təşkil olunacaq qarşılaşma Bakı vaxtı ilə saat 23:00-da başlanacaq. “Araz” ertəsi gün Rusiya çempionu, iki il öncə UEFA kubokuna sahib çıxmış Moskva “Dinamo”sunu sınağa çəkəcək. Noyabrın 11-də isə Böyükağa Hacıyevin yetirmələri “Odorheu” (Rumıniya) ilə qarşılaşacaqlar.

Qeyd edək ki, yalnız qrup qalibi yarımfinala vəsiqə qazanacaq. 2001-ci ildən keçirilən UEFA kubokunda klublarımız heç vaxt yarımfinaladək irəliləyə bilməyiblər.

• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib