Bakı. Kənan Həsənov - APA-Sport. İngiltərənin Liverpul şəhərində keçirilən Avropa çempionatında Azərbaycan yığmasının daha bir boksçusu mübarizəni dayandırıb. “APA-Sport”un məlumatına görə, Samir Məmmədov (54 kq) və Emil Məhərrəmovdan (69 kq) sonra Fərhad Acalov da məğlubiyyətlə üzləşib. 64 kq çəki dərəcəsində ilk döyüşünə çıxan Acalov 1/8 finalda rusiyalı Maksim İqnatyevə 9:13 hesabı ilə uduzub.

Avropa çempionatının mükafatları uğrunda cəmi iki boksçumuz mübarizəni davam etdirir. 1/4 finala yüksələn Famil Süleymanov (60 kq) irlandiyalı Ross Hikki ilə döyüşəcək. 1/16 final səddini asanlıqla adlayan Elçin Əlizadəni (91 kq) isə macar Yojef Darmos ilə görüş gözləyir.

• AMADA 2025-ci ilin ilk doqquz ayında 649 dopinq testi keçirib
• Bakıda “İdmanda Hüquq və Ədalət” üzrə beynəlxalq konfrans keçirilib
• İslam Oyunları: Türkiyə zirvədə – Azərbaycan ilk “altılıq”da
• 9 Noyabr – Dövlət Bayrağı Günü münasibətilə veloyürüş keçirilib
• Türkiyəli çempion: "Nuray gələcəkdə böyük uğurlar qazanacaq"