Bakı. Aqşin Əliyev - APA-Sport. Azərbaycan Otüstü Hokkey Federasiyasının (AzHF) prezidenti, vergilər naziri Fazil Məmmədov və qurumun vitse-prezidenti Namiq Əliyev ABŞ-ın Los Anceles şəhərinə yollanacaqlar. Bu haqda “APA-Sport”a AzHF-in baş katibi Adil Paşayev məlumat verib. Onun sözlərinə görə, səfərdə əsas məqsəd Beynəlxalq Otüstü Hokkey Federasiyasının (FİH) prezidenti seçkilərində iştirak etməkdir.

Növbəti 4 ildə FİH-in prezidenti olmaq üçün 2 namizəd var. Bunlar FİH-in hazırkı rəhbəri, 2001-ci ildən bu təşkilata başçılıq edən hollandiyalı xanım Els van Breda Vraysman və Avropa Otüstü Hokkey Federasiyasının ispaniyalı prezidenti Leandro Neqredir. Prezident seçkiləri noyabrın 29-da keçiriləcək. Nizamnaməyə əsasən, FİH-ə üzv olan hər assosiasiyadan 1 səs qəbul olunacaq.

AzHF rəhbərliyinin hansı namizədə səsə verəcəyi isə hələlik bilinmir. Adil Paşayev bu məsələnin yaxın günlərdə federasiyasının İcraiyyə Komitəsinin iclasında müzakirə ediləcəyini söyləyib: “İcraiyyə Komitəsinin toplantısında prezident görmək istədiyimiz şəxsi müəyyənləşdirəcəyik”.

• AMADA 2025-ci ilin ilk doqquz ayında 649 dopinq testi keçirib
• Bakıda “İdmanda Hüquq və Ədalət” üzrə beynəlxalq konfrans keçirilib
• İslam Oyunları: Türkiyə zirvədə – Azərbaycan ilk “altılıq”da
• 9 Noyabr – Dövlət Bayrağı Günü münasibətilə veloyürüş keçirilib
• Türkiyəli çempion: "Nuray gələcəkdə böyük uğurlar qazanacaq"