Bakı. Kənan Həsənov - APA-Sport. Azərbaycan boksçularının İngiltərənin Liverpul şəhərində keçirilən Avropa çempionatında çıxışları biabırçı sonluqla başa çatıb. “APA-Sport”un məlumatına görə, Nəriman Abdullayevin rəhbərliyi altında rinqə çıxan beş təmsilçimizdən heç biri yarımfinala yüksələ bilməyib.

Belə bir şansa yalnız Famil Süleymanov sahib idi. Amma 60 kq çəki dərəcəsində döyüşən gənc boksçumuz 1/4 finalda irlandiyalı Ross Hikki ilə bacara bilməyib - 1:6. Məhz Süleymanovun məğlubiyyətindən sonra milli komandamızın Avropa çempionatını medalsız tərk edəcəyi rəsmiləşib.

Qeyd edək ki, bundan öncə Samir Məmmədov (54 kq), Fərhad Acalov (64 kq), Emil Məhərrəmov (69 kq) və Elçin Əlizadə (91 kq) mübarizəni erkən dayandırmışdılar.

• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib