Bakı. Aqşin Əliyev - APA-Sport. Sabah Rusiyanın Sankt-Peterburq şəhərində sambo üzrə dünya çempionatı start götürəcək. “APA-Sport”un məlumatına görə, yarışda Azərbaycanın şərəfini 10 idmançı qoruyacaq. Artıq həmvətənlərimizin iştirakı ilə keçiriləcək görüşlərin vaxtı dəqiqləşib.

Təqvimə əsasən, turnirin ilk günündə sambo növündə İslam Qasımov (52 kq), Vüqar Bayramov (62 kq), Araz Muxtarov (74 kq) və Elçin Həsənov (90 kq) öz bacarıqlarını nümayiş etdirəcəklər. Ertəsi günü Elçin Mayılov (57 kq), Zaur Paşayev (82 kq) və Ruslan Rüstəmov (100 kq) mübarizəyə qoşulacaqlar.

Döyüş sambosu növündə çıxış edəcək hər 3 idmançımız – Səid Mehdiyev (52 kq), Rəşid Fərziyev (57 kq) və Sadıq Kərimov isə noyabrın 16-da döşək üzərinə çıxacaqlar. Elə həmin gün yarışın rəsmi bağlanış mərasimi keçiriləcək. Samboçularımız yarışa baş məşqçi Mübariz İbrahimovun rəhbərliyi altında hazırlaşıblar. Çempionatda Yaqub Abdullayevlə Cabir İsmayılov hakim funksiyasını yerinə yetirəcək.

• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib