Bakı. Kənan Həsənov - APA-Sport. “Dünya çempionu Aleksandra Kostenyukun lideri olduğu yığmamız olimpiadaya “quru” hesablı qələbə ilə başladılar. Halaldır, amma sevinmək hələ çox tezdir. Bir sadə məntiqlə ki, azərbaycanlı xanımlar müqavimət belə göstərmədilər”. “APA-Sport”un məlumatına görə, bu fikirləri Almaniyanın Drezden şəhərində keçirilən XXXVIII Şahmat Olimpiadasının I turunda baş tutan Rusiya - Azərbaycan görüşünü şərh edən Sergey Zaqrebelnıy söyləyib.

Həmyerlilərinin çətinlik çəkmədən 2 xal qazandıqlarını iddia edən beynəlxalq qrossmeyster əsas hadisələrin irəlidə cərəyan edəcəyini vurğulayıb.

Zaqrebelnıy kişilərdən ibarət Azərbaycan yığmasının çıxışına da toxunub: “Komandamızın rəhbəri Aleksandr Bax Azərbaycanı ən təhlükəli rəqib sayır. Onlar da ilk turda Makedoniyanı darmadağın etməklə azarkeşlərini sevindirdilər. Azərbaycan şahmatçıları həqiqətən çox iddialıdırlar”.

• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib