Şahmat üzrə kişilərdən ibarət Azərbaycan milli komandası Almaniyanın Drezden şəhərində keçirilən olimpiadanın VI turunda uğursuzluğa düçar olub. Apasport.az saytının məlumatına görə, Fikrət Sideifzadənin yetirmələri Ermənistanla qarşılaşmada məğlubiyyətlə üzləşib.

Bu uğursuzluğun əsas səbəbi ikinci lövhədə mübarizə aparan Şəhriyar Məmmədyarovun (2731) erməni rəqibi Vladimir Akopyana (2679) uduzması ilə bağlı olub. Yığmamızın digər üzvləri heç-heçə oynayıblar. Teymur Rəcəbov (2752) Levon Aronyan (2757), Vüqar Həşimov (2703) Qabriel Sarkisyan (2642), Rauf Məmmədov (2631) isə Tiqran Petrosyanla (2629) xalları bölüb. Beləliklə, 1,5:2,5 hesabı ilə uduzan milli komandamız olimpiadada ilk dəfə məğlubiyyət acısı dadıb.

Qadınlardan ibarət yığmamız ardıcıl ikinci oyunda heç-heçə edib. Xanım şahmatçılarımız serbiyalıların ardından, bu dəfə sloveniyalılarla “sülh” bağlayıblar - 2:2. Növbəti turun oyunları sabah keçiriləcək.

• AMADA 2025-ci ilin ilk doqquz ayında 649 dopinq testi keçirib
• Bakıda “İdmanda Hüquq və Ədalət” üzrə beynəlxalq konfrans keçirilib
• İslam Oyunları: Türkiyə zirvədə – Azərbaycan ilk “altılıq”da
• 9 Noyabr – Dövlət Bayrağı Günü münasibətilə veloyürüş keçirilib
• Türkiyəli çempion: "Nuray gələcəkdə böyük uğurlar qazanacaq"