Azərbaycan cüdo yığması Xorvatiyanın paytaxtı Zaqrebdə 23 yaşadək oğlan və qızlar arasında təşkil olunan Avropa çempionatında uğursuzluğa düçar olub. Apasport.az saytının məlumatına görə, yarışa qatılan 7 idmançımızın heç biri fəxri kürsüyə yüksələ bilməyib.

Milli komanda üzvlərindən yalnız Emil Həsənov (60 kq) medal qazanmağa yaxın olub. Ancaq o, yekunda 5-ci pillədə qərarlaşıb. Digər oğlanlar - Samir Dadaşzadə (60 kq), Fuad Həbibzadə (73 kq), Rüstəm Alimli (81 kq) və Fərid Babayev (+100 kq) da zəif çıxış ediblər.

Həmçinin, xanım cüdoçularımız da Vətənə əliboş dönürlər. Əsas yığmamızın da şərəfini qoruyan Ramilə Usubova (63 kq), eləcə də Rəqiyyə Qarayeva (70 kq) mükafatçılar sırasında yer almağı bacarmayıblar.

• AMADA 2025-ci ilin ilk doqquz ayında 649 dopinq testi keçirib
• Bakıda “İdmanda Hüquq və Ədalət” üzrə beynəlxalq konfrans keçirilib
• İslam Oyunları: Türkiyə zirvədə – Azərbaycan ilk “altılıq”da
• 9 Noyabr – Dövlət Bayrağı Günü münasibətilə veloyürüş keçirilib
• Türkiyəli çempion: "Nuray gələcəkdə böyük uğurlar qazanacaq"