Azərbaycan bilyardçıları Rusiyanın Sankt-Peterburq şəhərində keçirilən “Sərbəst Piramida” üzrə dünya çempionatında mübarizəni dayandırıblar. Apasport.az saytının məlumatına görə, milli komandamızın üç üzvü 1/16 final səddini adlaya bilməyiblər.

Bu mərhələdə Seymur Məmmədov rusiyalı Yuri Paşinskiyə 3:6, Saleh Mustafayev ukraynalı Maksim Kolijuka 0:6, Rauf Mustafayev qazax Əlixan Karaneyevə 1:6 hesabı ilə uduzub. Seyhun Ağayev isə mübarizəni ilkin mərhələdə dayandırıb.

Bu gün müəyyənləşəcək dünya çempionatının qalibinə avtomobil hədiyyə ediləcək. Sonrakı iki yeri tutacaq idmançılar isə 5000 və 3000 ABŞ dolları mükafat qazanacaqlar.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb