Yunanıstanın Komotini şəhərində tələbə ağırlıqqaldıranlar arasında ilk dünya çempionatı start götürüb. Apasport.az saytının məlumatına görə, yarışda Azərbaycanı 3 idmançı - Sərdar Həsənov (62 kq), Rövşən Fətullayev (94 kq) və Rolan Piriyev (+105 kq) təmsil edir.

Vahid Nəzərovun rəhbərlik etdiyi kollektivdən öncə Sərdar Həsənov mübarizəyə qoşulub. 23 yaşlı atlet birdən və təkanla qaldırdığı çəkilərin ümumi nəticəsinə əsasən, çempionatda ikinci yeri tutub. 277 kq-ın öhdəsindən gələn Sərdar gümüş medala layiq görülüb.

Sabah Rövşən Fətullayev öz bacarığını nümayiş etdirəcək. Rolan Piriyev isə turnirin sonuncu günü, noyabrın 28-də qüvvəsini sınayacaq.

• AMADA 2025-ci ilin ilk doqquz ayında 649 dopinq testi keçirib
• Bakıda “İdmanda Hüquq və Ədalət” üzrə beynəlxalq konfrans keçirilib
• İslam Oyunları: Türkiyə zirvədə – Azərbaycan ilk “altılıq”da
• 9 Noyabr – Dövlət Bayrağı Günü münasibətilə veloyürüş keçirilib
• Türkiyəli çempion: "Nuray gələcəkdə böyük uğurlar qazanacaq"