Heydər Əliyev adına İdman Konsert Kompleksində hərbçi boksçular arasında keçirilən sayca 52-ci dünya çempionatına yekun vurulub. Apasport.az saytının məlumatına görə, yarışa 11 idmançı ilə qatılan Azərbaycan milli komandası 6 qızıl medal qazanıb. Belə ki, finala yüksəlmiş hər 6 təmsilçimiz doğma publika önündə maksimum nəticə göstərib.

Boskçularımızdan Ceyhun Abıyev (48 kq), Rəhim Nəcəfov (51 kq), Elşən İsmayılov (57 kq), Rahib Bəylərov (75 kq), Elnur Qədirov (81 kq) və Elçin Əlizadə (91 kq) dünya çempionu tituluna yiyələniblər. Komanda hesabında yığmamız birinci yeri tutub. İkinci pillədə Özbəkistan, sonrakı sırada isə Hindistan qərarlaşıb.

Qeyd edək ki, dünya çempionatında Azərbaycan da daxil olmaqla, 19 ölkənin boksçuları qüvvələrini sınayıblar.

• AMADA 2025-ci ilin ilk doqquz ayında 649 dopinq testi keçirib
• Bakıda “İdmanda Hüquq və Ədalət” üzrə beynəlxalq konfrans keçirilib
• İslam Oyunları: Türkiyə zirvədə – Azərbaycan ilk “altılıq”da
• 9 Noyabr – Dövlət Bayrağı Günü münasibətilə veloyürüş keçirilib
• Türkiyəli çempion: "Nuray gələcəkdə böyük uğurlar qazanacaq"