Yaponiyanın paytaxtı Tokioda keçiriləcək cüdonun banisi Ciqaro Kanonun xatirə turnirinə hazırlaşan Azərbaycan yığmasının heyətində dəyişiklik edilib. Milli komandanın baş məşqçisi Ağayar Axundzadənin apasport.az saytına verdiyi məlumata görə, Ramin Qurbanov (81 kq) səfərə aparılmayacaq. Bu, cüdoçunun zədələnməsi ilə əlaqədardır.

Əvəzində, 81 kq çəki dərəcəsində Zaur Paşayev güləşəcək. Eyni zamanda, yarışda yeniyetmələr arasında Avropa çempionumuz Sərxan Əhmədov (66 kq) da mübarizə aparacaq. Pekin Yay Olimpiya Oyunlarının qalibi Elnur Məmmədli isə dekabrın 13-14-də baş tutacaq turnirə tamaşaçı qismində qatılacaq.

Həmyerlilərimiz dekabrın 8-də Tokioya yollanacaqlar. Yarışdan sonra 4 gün təlim-məşq toplanışında iştirak edəcək cüdoçularımız dekabrın 18-də Vətənə dönəcəklər.

• AMADA-nın icraçı direktoru: "Builki konfrans Konstitusiya və Suverenlik ilinə həsr olunub"
• AMADA 2025-ci ilin ilk doqquz ayında 649 dopinq testi keçirib
• Bakıda “İdmanda Hüquq və Ədalət” üzrə beynəlxalq konfrans keçirilib
• İslam Oyunları: Türkiyə zirvədə – Azərbaycan ilk “altılıq”da
• 9 Noyabr – Dövlət Bayrağı Günü münasibətilə veloyürüş keçirilib