Azərbaycanın üzgüçülük üzrə milli komandası dekabrın 11-də Xorvatiyanın Riyeka şəhərində start götürəcək Avropa çempionatına qatılmayacaq. Yığmanın baş məşqçisi Vaqif Nəsibovun apasport.az saytına verdiyi məlumata görə, buna səfər xərcləri üçün maliyyənin ayrılmaması səbəb olub.

Qitə birinciliyi təqvim planına daxil edilsə də, federasiya rəhbərliyi mövsümün son ciddi yarışında iştirak etməməyi məqsədəuyğun sayıb. Belə olan halda, idmançılarımız dekabrın 14-dək davam edəcək birinciliyin mükafatları uğrunda mübarizədən kənarda qalıblar.

Qeyd edək ki, üzgüçülərimiz indiyədək Avropa və dünya çempionatları, o cümlədən digər rəsmi yarışlarda medal qazanmağı bacarmayıblar.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb