“Açığı, Avropa çempionatında bəzi taekvondoçularımızdan narazı qaldım. Yarışda inandıqlarımızın əvəzinə, gözləmədiyimiz idmançılar medal qazandılar”. Bu sözləri apasport.az saytına açıqlamasında Azərbaycan taekvondo yığmasının baş məşqçisi Ələkbər İmaməliyev deyib.

Təcrübəli çalışdırıcı bildirib ki, Rusiyanın paytaxtı Moskvada keçirilmiş tələbələr arasında ilk Avropa çempionatında milli komandamızın xüsusilə iki üzvü zəif təsir bağışlayıb: “Rövşən Məmmədov və Ramin Əzizov ümidləri doğrultmadılar. Halbuki, biz onların fəxri kürsüyə yüksələcəklərinə inanırdıq. Lakin hər iki idmançı ikinci mərhələdə mübarizəni dayandırdılar”.

Qeyd edək ki, qitə çempionatında yığmamızın 4 üzvü medala layiq görülüb. Zahid Məmmədov (58 kq) qızıl, Sənan Əsədzadə (72 kq) gümüş, Samir Aydınovla (54 kq) Bayraməli Vəliyev (84 kq) isə bürünc medala sahib çıxıb. Milli komandamız yekunda 5-ci yer tutmasına baxmayaraq, kubokla təltif olunub.

• AMADA-nın icraçı direktoru: "Builki konfrans Konstitusiya və Suverenlik ilinə həsr olunub"
• AMADA 2025-ci ilin ilk doqquz ayında 649 dopinq testi keçirib
• Bakıda “İdmanda Hüquq və Ədalət” üzrə beynəlxalq konfrans keçirilib
• İslam Oyunları: Türkiyə zirvədə – Azərbaycan ilk “altılıq”da
• 9 Noyabr – Dövlət Bayrağı Günü münasibətilə veloyürüş keçirilib