İspaniyanın Malyorka şəhərində beynəlxalq şahmat turnirinə yekun vurulub. Apasport.az saytının məlumatına görə, yarışda ölkəmizi Eltac Səfərli ilə Vasif Durarbəyli təmsil edib.

Yeniyetmələr arasında Avropa və dünya çempionu olan Səfərli Malyorkada da fəxri kürsüyə yüksəlməyi bacarıb. 9 oyundan 7 xal toplayan təmsilçimiz üçüncü yeri tutub və 1000 avro mükafata sahib çıxıb. Durarbəyli isə yarışı 6 xalla 15-ci pillədə başa vurub.

Qeyd edək ki, 126 şahmatçının qatıldığı beynəlxalq turnirin mükafat fondu 12350 avroya bərabər olub.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb