Azərbaycanın avarçəkmə üzrə yığma komandası yanvarın 5-də Almaniyanın Brandenburg şəhərinə təlim-məşq toplanışına yollanacaq. Apasport.az saytının məlumatına görə, üç həftə davam edəcək hazırlıq prosesinə 13 idmançımız qatılacaq.

Toplanışda iştirak edəcək Cavid Əfəndiyev, Aleksandr Qlotov, Timur Kutseba, Aleksandr Jdanov, Əbdürəşid Mustafin, Toğrul Qurbanzadə, Turqay Məmmədov, Telman Həbibli, Sərxan Hüseynov, Mirzağa Eyvazov və Kamal Məmmədov akademik, Rüfət Vəlizadə kayak, Xaqani Alməmmədli isə kanoe qayıqlarında yığma komandanın üzvləridir. Onlar milli komandamızın almaniyalı baş məşqçisi Rudiger Hauffe və köməkçi-məşqçi Samir Məmmədovun rəhbərliyi altında hazırlaşacaq.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb