Azərbaycanın güllə atıcıları Gürcüstanın açıq çempionatına qatılıblar. Apasport.az saytının məlumatına görə, qonşu ölkədə təşkil olunan yarışda Afina Olimpiadasının bürünc medalçısı İradə Aşumova və onun oğlu Ruslan Lunyov mübarizə aparacaqlar.

Hər iki güllə atıcımız 10 metrlik məsafədən pnevmatik tapança ilə atəş açma yarışında iştirak edəcəklər. Həmvətənlərimiz yanvarın 22-23-də atəş xəttinə çıxacaqlar.

Qeyd edək ki, Aşumova və Lunyov ötən ay da Gürcüstanda olmuşdular. Tiflisdə keçirilən beynəlxalq turnirdə ölkəmizin şərəfini qoruyan olimpiya mükafatçısı gümüş, Ruslan isə qızıl medal qazanmışdı.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb