Fransanın paytaxtı Parisdə təşkil olunan cüdo üzrə “Böyük Dəbilqə” turniri başa çatıb. Apasport.az saytının məlumatına görə, yarışda Azərbaycanın şərəfini qoruyan Elxan Məmmədov və Elxan Rəcəbli (hər ikisi 90 kq) fəxri kürsüyə yüksələ bilməyiblər.

Hərçənd, turnir Elxan Məmmədov üçün yaxşı başlayıb. 27 yaşlı idmançımız öncə Baye Diavaraya (Seneqal), ardından Ceyms Austinə (Böyük Britanıya) qalib gəlib. Bürünc medal uğrunda görüşdə isə Məmmədov almaniyalı Mixael Pinskə uduzub.

Elxan Rəcəbli üçün yarış daha erkən qurtarıb. O, elə ilk mərhələdəcə Kuba təmsilçisi Xorxe Benavidesin ippon fəndinə düşərək, məğlubiyyətə düçar olub. Yekunda Azərbaycan 48 ölkə arasında 23-cü yeri tutub.

Sabahdan etibarən Parisdə 5 günlük təlim-məşq toplanışı start götürəcək. Burada baş məşqçi Ağayar Axundzadənin rəhbərliyi altında Elxan Məmmədov və Elxan Rəcəbli ilə yanaşı, Pekin Olimpiadasının qalibi Elnur Məmmədli və bürünc mükafatçı Mövlud Mirəliyev də iştirak edəcəklər.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb