Azərbaycan Otüstü Hokkey Federasiyasının (AzHF) rəhbərliyi ispaniyalı məşqçi Xose Barasanı ölkəmizə dəvət edib. Apasport.az saytının məlumatına görə, əcnəbi mütəxəssis fevralın 14-də Bakıya gələcək.

Onun səfərində əsas məqsəd federasiya rəhbərliyi ilə danışıqlar aparmaqdır. Əgər tərəflər ortaq məxrəcə gəlsələr, Barasa qadınlardan ibarət yığmamızın baş məşqçi təyin olunacaq. Hazırda qadın otüstü hokkeyçilərimizi pakistanlı Tahir Zaman çalışdırır. Barasa isə əvvəllər İspaniya milli komandasına başçılıq edib.

Qeyd edək ki, AzHF rəsmiləri ötən ilin payızında argentinalı Serxio Vixillə danışıqlar aparmışdılar. Lakin Vixil ailəsinə görə Azərbaycan yığmasında işləməyə razılıq verməmişdi.

• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib