Yunan-Roma güləşi üzrə Azərbaycan milli komandası Fransaya səfərə hazırlaşır. Apasport.az saytının məlumatına görə, yığmamız fevralın 19-dan 21-dək Klermon-Ferran şəhərində keçiriləcək Dünya Kubokuna qatılacaq.

Turnirdə ölkəmizin şərəfini 13 idmançı - Pekin Olimpiadasının gümüş mükafatçıları Rövşən Bayramov (55 kq) və Vitali Rəhimovla (60 kq) yanaşı, Elçin Əliyev (55 kq), Fuad Əliyev (60 kq), Rəsul Cunayev (66 kq), İlqar Abdulov (74 kq), Elvin Mürsəliyev (74 kq), Rafiq Hüseynov (74 kq), Murtuza Tağıyev (84 kq), Şalva Qadabadze (84 kq), Denis Mişin (96 kq), Cəlal Bahadurov (120 kq) və Afina Olimpiadasının qalibi Fərid Mansurov (66 kq) qoruyacaq.

Yarışda Rusiya, Fransa, Çin, Macarıstan, Kuba, Qazaxıstan və Ermənistan güləşçiləri də mübarizə aparacaq.

Mənbə: AzərTac

• Azərbaycan millisi Zaqatalada toplanışa start verdi
• "Qarabağ Mechack 9030" komandasından uğurlu nəticələr
• Azərbaycan Kamandan Oxatma Federasiyasında idmançılara yeni idman dərəcələri təqdim edilib
• Qaşım Maqomedov: "Bu medal mənim üçün böyük əhəmiyyət kəsb edir"
• Yenilənmiş Olimpiya medalları idmançılarımıza təqdim edilib