Serbiyada kişi şahmatçılar arasında şəxsi Avropa çempionatı start götürüb. Apasport.az saytının məlumatına görə, Budva şəhərində təşkil olunan qitə birinciliyinin mükafatları uğrunda altısı həmyerlimiz olmaqla, 300-dən çox iti zəka sahibi mübarizə aparır.

İsveçrə sistemi ilə keçirilən çempionatın ilk turunda təmsilçilərimizdən dördü, Eltac Səfərli, Vüqar Rəsulov, Rauf Məmmədov və Vasif Durarbəyli qələbə qazanıb. Qədir Hüseynov yarışa yarım xalla başlayıbsa, digər həmvətənimiz Faiq Ələsgərov startda məğlubiyyətlə üzləşib.

Qeyd edək ki, Azərbaycan Şahmat Federasiyası yarışa 7 həmyerlimizin qatılacağını bildirirdi. Lakin son anda Nicat Abbasov turnirə qatılmayıb.

• AMADA təlim keçirib
• Millimiz beynəlxalq turnirdə 7 medal qazanıb
• İdmançımız İtaliyada 2-ci oldu
• Gimnastlarımızdan bürünc medal
• Səbinə Əliyeva Türkiyədə çıxış edib