Azərbaycan şahmatçısı Zeynəb Məmmədyarova Türkiyənin İstanbul şəhərində keçirilən FİDE Qran Pri turnirində tilsimi qırıb. Apasport.az saytının məlumatına görə, 26 yaşlı idmançımız yarışda ilk qələbəsini qazanıb. O, VI turda ağ fiqurlarla çinli Yanq Şeni məğlub edib.

Bununla da, Zeynəb xalını 1,5-ə çatdıraraq, 3 pillə yüksəlib. Hazırda təmsilçimiz 9-cu sırada qərarlaşıb. Məmmədyarova bu gün Maya Çiburdanidze (Gürcüstan) ilə görüşəcək.

12 şahmatçının qüvvəsini sınadığı və 11 turdan ibarət olan yarış martın 19-da yekunlaşacaq.

• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək
• AMADA-nın yeni antidopinq qaydaları WADA ilə razılaşdırılıb
• Azərbaycan kamandan oxatanları Avropa çempionatında mübarizə aparacaqlar