Azərbaycanın güllə atıcısı Ruslan Lunyov Almaniyanın Dortmund şəhərində keçirilən beynəlxalq turnirdə gümüş medal qazanıb. Apasport.az saytının məlumatına görə, 20 yaşlı idmançı gənclər arasında fərqlənib. O, 50 metrlik məsafədən hədəfə atəş açaraq, 533 xal (85+91+90+86+88+93) toplayıb.

Nəticədə Ruslan 12 güllə atıcısı arasında yalnız polşalı Tomaş Varzonovskidən (537 xal) geri qalıb. Lunyov sabah 10 metrlik məsafədən hədəflərə atəş açacaq.

Ölkəmizin ən titullu güllə atıcısı, yığmanın məşqçisi İradə Aşumova isə martın 21-də mübarizəyə qoşulacaq. Öncə 10 metrlik məsafədən hədəfləri nişan alacaq Afina Olimpiadasının bürünc mükafatçısı ertəsi günü kiçikçaplı tapança ilə (25 metrlik məsafə) qüvvəsini sınayacaq.

Qeyd edək ki, Ruslan Lunyov İradə Aşumovanın oğludur.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb