Azərbaycanın qadın güləşçilərindən ibarət yığmasının baş məşqçisi Orest Skobelski yetirməsi Zümrüd Qurbanhacıyevanı xilas edib. Apasport.az saytının məlumatına görə, Litvanın paytaxtı Vilnüsdə keçirilən Avropa çempionatında gümüş medal qazanan xanım pəhləvanımız bu gün Heydər Əliyev Beynəlxalq Hava Limanında jurnalistlərin əhatəsinə düşüb.

Media nümayəndələri Zümrüddən qitə birinciliyindəki çıxışı haqda fikrini öyrənmək istəsələr də, danışmağa utanan güləşçi tərəddüd edib. Nəhayət, o, baş məşqçisinin müdaxiləsi sayəsində vəziyyətdən çıxa bilib. Ukraynalı mütəxəssis Qurbanhacıyevanın əvəzinə danışmaqla, onun xilaskarına çevrilib.

“Zümrüd da digər güləşçimiz Mariya Stadnik kimi, Avropa çempionu ola bilərdi. Ancaq bunun üçün təcrübəsi çatmadı. Qurbanhacıyevanın finaldakı rəqibi həddən artıq təcrübəli idi və bunun hesabına onu üstələyərək, yarışın qalibi oldu. Ancaq Zümrüd də gələcəkdə çempion ola bilər, belə şansı var. Qarşıdan dünya çempionatı gəlir. Zümrüd həmin məsul turnirə yaxşı hazırlaşıb, çempionluq şansını əldən buraxmamalıdır” – deyə Skobelski vurğulayıb.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb