Azərbaycanın güllə atıcılığı üzrə yığmasının oynayan-məşqçisi İradə Aşumova Çinin paytaxtı Pekində keçirilən Dünya Kubokunda çıxışını başa vurub. Apasport.az saytının məlumatına görə, 51 yaşlı idmançımız yarışda medal qazana bilməyib. Afina Olimpiadasının bürünc mükafatçısı 10 metrlik məsafədən pnevmatik tapança ilə atəş açmada zəif nəticə göstərib.

Aşumova 378 xal (94+96+95+93) toplayaraq, 19-cu yeri tutub. O, daha 5 xal çox yığacağı təqdirdə, final mərhələsinə düşə bilərmiş. Çempion adını isə çinli Yun Hu qazanıb (390+100.5).

Bu gün, həmçinin İradə Aşumovanın oğlu Ruslan Lunyov da atəş xəttinə çıxıb. Gənc idmançımız 25 metrlik məsafədən sürətli atəş açmanın birinci mərhələsində uğursuzluğa düçar olub. Ruslan 282 xalla (97+96+89), 20-ci pillədə qərarlaşıb. Bu yarışda ikinci, eləcə də final mərhələsi sabah baş tutacaq.

Xatırladaq ki, Aşumova 25 metr məsafədən kiçikçaplı tapança ilə atəş açmada medal qazanmağa yaxın olsa da, 10-cu yerlə kifayətlənmişdi.

• Üzgüçümüz Sofiyada qızıl medal qazanıb
• İdmançılarımız Avropa Yay Olimpiya Festivalına hazırlaşırlar
• AzVİF-lə Elm və Təhsil Nazirliyinin əməkdaşlığı çərçivəsində yeni layihəyə start verilib - FOTO
• Azərbaycan və Polşa arasında antidopinq sahəsində əməkdaşlığın perspektivləri müzakirə olunub
• Millidən yeni rekord: Yığma dünya reytinqində 27-ci sıraya yüksəlib