"İlk turda rəqibim oyuna yaxşı hazırlaşmışdı. Vəziyyəti dəyişməyə çalışsam da, bunu bacarmadım və yekunda xalsız qaldım". Apasport.az saytının məlumatına görə, bu sözləri ispaniyalı şahmatçı Aleksey Şirov deyib.

"Prezident kuboku" çərçivəsində dünya yığmasının heyətində Azərbaycan komandasına qarşı oynayan Şirov birinci turda Şəhriyar Məmmədyarova uduzub, Qədir Hüseynova isə qalib gəlib. O, Hüseynov üzərində qazanılan qələbə haqda bunları bildirib: "6-7-ci gedişdən sonra mənə məlum olmayan vəziyyətlə üzləşdim. Hər halda, partiyanın gedişində bundan çıxış yolu tapa bildim".

Aleksey ötən əsrin 80-ci illərində Bakıya səfərlərini xatırlayıb: "İndiyədək Azərbaycanda 2 dəfə olmuşdum. 1982-ci ildə, yeniyetmə yaşlarımda Şəkidə, bundan 2 il sonra isə Kirovabadda, indiki Gəncədə oynamışam. "Prezident kuboku"nda dünya yığmasının heyətində yer almağım isə məntiqəuyğundur".

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb