Pekin Yay Olimpiya Oyunlarının qalibi, cüdoçu Elnur Məmmədli Almaniyanın Nürnberq şəhərinə tibbi müayinədən keçməyə yollanır. Bu haqda apasport.az saytına Azərbaycan milli komandasının baş məşqçisi Ağayar Axundzadə məlumat verib. Onun sözlərinə görə, müayinədən sonra 21 yaşlı cüdoçunun cərrahiyyə əməliyyatı edilib-edilməməsi müəyyənləşəcək.

Elnur diz nahiyəsindəki ağrılardan əziyyət çəkir. Pekində köhnə zədəsini təzələyən olimpiya çempionu bu vaxta qədər müalicə alsa da, tam sağalmayıb. İndi isə onun cərrah stoluna uzanmaq ehtimalı yaranıb.

Bu səbəbdən Məmmədli avqustda Hollandiyada keçiriləcək dünya çempionatında iştirak etməyəcək.

Xatırladaq ki, Elnur 2007-ci ildə də Nürnberqdə dizindən əməliyyat keçirib. Buna baxmayaraq, tezliklə sağalan cüdoçu 1 il sonra olimpiadada fəxri kürsünün ən yüksək pilləsinə qalxmağı bacarıb.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb