Rumıniyanın Bazna şəhərində təşkil olunan “Kings Tournament” beynəlxalq şahmat turnirinin birinci dövrəsi başa çatıb. Apasport.az saytının məlumatına görə, yarışda Azərbaycanın şərəfini qoruyan Teymur Rəcəbov ənənəsinə sadiq qalaraq, yenə heç-heçə oynayıb. Daha doğrusu, həmvətənimiz autsayder Liviu-Diter Nisipyanu ilə bacarmayıb.

Rəcəbov turnirin reytinq-favoriti olduğu halda, bütün görüşlərini yarım xalla bitirir. Şahmatçımız Nisipyanu ilə oyunun 26-cı gedişində “sülh” bağlayıb.

Beləliklə, Teymur ilk dövrəni 2,5 xalla 3-4-cü pillədə başa vurub. Bu gün yarış iştirakçılarına istirahət verilib. Turnir iyunun 25-dək davam edəcək.

V tur

Teymur Rəcəbov (Azərbaycan, 2756) - Liviu-Diter Nisipyanu (Rumıniya, 2675) - 0,5:0,5
Qata Kamski (ABŞ, 2720) - Vasili İvançuk (Ukrayna, 2746) - 0:1
Aleksey Şirov (İspaniya, 2745) - Boris Qelfand (İsrail, 2733) - 0:1

1-2. İvançuk, Qelfand 3,5 xal; 3-4. Şirov, Rəcəbov 2,5; 5-6. Kamski, Nisipyanu 1,5

• Azərbaycan Badminton Federasiyası mükafata layiq görülüb
• Zaur Axundov Azərbaycan Velosiped Federasiyasının prezidenti seçilib
• Azərbaycan birinciliyində növbəti mükafatların sahibləri bəlli olub
• Bakı Marafonunda rekord iştirakçı: 27 min nəfər qeydiyyatdan keçib
• Millimiz Gürcüstanda beynəlxalq təlim-məşq toplanışına başlayıb