Quba Olimpiya İdman Kompleksində təlim-məşq toplantısında olan yunan-Roma güləşi üzrə yığma komandamızın üzvləri xoş bir hadisəni bayram ediblər. Apasport.az saytının məlumatına görə, məşq prosesi zamanı Gənclər və İdman Nazirliyinin nümayəndəsi Tofiq Eyvazov və yunan-Roma güləşi üzrə yığma komandamızın baş məşqçisi, Azərbaycan Güləş Federasiyasının vitse-prezidenti Elçin Cəfərov Pekin Yay Olimpiya oyunlarının gümüş mükafatçısı, 2 qat Avropa çempionu Rövşən Bayramova «Əməkdar İdman Ustası» fəxri adının vəsiqəsini təqdim ediblər. Azərbaycan idmanının inkişafındakı xidmətlərinə görə güləşçiyə təşəkkürünü bildirən nazirlik rəsmisi idmançıların hər birinə yüksək nailiyyətlər və bu cür fəxri adlar arzulayıb.

• Kamandan oxatma üzrə tarixi Superkubokun qalibləri müəyyənləşdi
• Günel Bədəlova Beynəlxalq Xizək Alpinizmi Federasiyasının vitse-prezidenti seçilib
• Azərbaycanın AirBadminton komandası Avropa çempionatında bürünc medal qazanıb
• Prezident İlham Əliyev yubiley münasibətilə paralimpiya hərəkatının iştirakçılarını təbrik edib
• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb