Rumıniyanın Bazna şəhərində keçirilən “Kings Tournament” beynəlxalq şahmat turnirində VIII turun oyunları arxada qalıb. Apasport.az saytının məlumatına görə, yarışda Azərbaycanın yeganə təmsilçisi Teymur Rəcəbov hesabat turunda Aleksey Şirovla (İspaniya) üz-üzə gəlib.

Qara fiqurlarla mübarizə aparan həmyerlimiz 23-cü gedişdə “sülh” bağlayıb. Təkcə Teymur yox, yarışın bütün iştirakçıları bu dəfə heç-heçənin tərəfdarı olublar.

Sona iki tur qalmış Rəcəbov 4,5 xalla əvvəlki kimi, 3-cü yeri tutur. Bu gün şahmatçılara istirahət verilib. İyunun 24-də və 25-də keçiriləcək son iki partiyada Teymur müvafiq olaraq, Liviu-Diter Nisipyanu və lider Vasili İvançukla qüvvəsini sınayacaq.

VIII tur
Aleksey Şirov (İspaniya, 2745) - Teymur Rəcəbov (Azərbaycan, 2756) - 0,5:0,5
Boris Qelfand (İsrail, 2733) - Vasili İvançuk (Ukrayna, 2746) - 0,5:0,5
Qata Kamski (ABŞ, 2720) - Liviu-Diter Nisipyanu (Rumıniya, 2675) - 0,5:0,5

1.İvançuk 6 xal; 2.Qelfand 5; 3.Rəcəbov 4,5; 4.Şirov 4; 5.Nisipyanu 2,5; 6.Kamski 2

• AMADA 2025-ci ilin ilk doqquz ayında 649 dopinq testi keçirib
• Bakıda “İdmanda Hüquq və Ədalət” üzrə beynəlxalq konfrans keçirilib
• İslam Oyunları: Türkiyə zirvədə – Azərbaycan ilk “altılıq”da
• 9 Noyabr – Dövlət Bayrağı Günü münasibətilə veloyürüş keçirilib
• Türkiyəli çempion: "Nuray gələcəkdə böyük uğurlar qazanacaq"